Душанбе ба заминларзаи қуввати 8,5 ва 9 балла тобовар аст

Душанбе ба зилзилаҳои қувваи 8,5 ва 9 балла устувор аст, имрӯз дар нишасти матбуотӣ Низом Мирзозода, раиси Кумитаи сохтмон ва меъморӣ изҳор дошт.

Ӯ ҳамчун намуна зилзилаи 6 балларо овард, ки чанд сол пеш дар Душанбе рӯй дода буд ва ба биноҳои бисёрошёнаи Душанбе таъсири ҷиддӣ нарасонид, менависад Азия Плюс.

«Гарчанде биноҳо тарқиш бардоштанд, ранг рехт, аммо онҳо фурӯ нарафтанд», — гуфт Мирзозода.

Ба гуфтаи ӯ, «аксари биноҳое, ки дар Душанбе сохта мешаванд, каркасӣ мебошанд».

«Қисми конструктивии биноҳо аз оҳану бетон, қисми поёнӣ – аз сутунҳо (шаъ) иҷро шудааст. Қисми зери бино бо назардошти тобоварии зилзила сохта мешавад», — илова кард ӯ.

Дар ҳамин ҳол, ӯ қайд кард, ки бо сабаби фоҷиа дар Туркия ва Сурия дар Тоҷикистон қарор доданд, ки шӯъбаи экспертизаи шаъро дар назди департаменти экспертизаи Кумита таъсис диҳанд.

«Танҳо пас аз тафтиш ба тобоварии зилзила ва мувофиқат ба стандартҳо, мо иҷозат барои сохтмон медиҳем», — гуфт Мирзозода.